KRALENDIJK—Informashon ku Radio Live 99.9 FM ta trahando riba dje, ta konfirmá ku Boneiru tin su promé kaso Covid -19. E bon ta ku ya tin un temporada ta opservá e persona. Esnan konserní tin e situashon bon bou di kontròl. E persona infektá ya ta rekuperando. E persona ta isolá i no ta den niun kontakto ku niun hende. A atendé ku esnan ku tabata den kontakto ku e persona, i a atendé ku nan. Ta trata di un hende ku a bin for di eksterior ku ta establesé na Boneiru. Despues di algun siman ku e persona a regresá su tera natal, el a haña e síntomanan di vírùs di ‘corona’. Pa awor nos no ta menshoná si ta hòmber òf hende muhé e ta, i na unda e ta. Awe 16 di aprel e informe aki a yega na Radio Live 99.9 FM.   

Share This
error: Content is protected !!