KRALENDIJK – Radio Live 99.9 FM a bai na Lagun, kaminda tin un kantidat di e yerba “Sargassum a yega kosta. Na e sitio a topa ku algun persona i un “Backhoe” trahando pa saka mas tantu posibel di e yerba for di laman i riba santu na kosta. E “Sargassum” a asotá e área di Lagun. Por komprondé ku nan a saka basta durante e dianan ku a pasa, sinembargo e yerba ta sigui yega kosta. Loke nan ta hasi ta bon pasobra si laga esaki akumulá, e ta bira hopi mas difísil pa atendé. E holó no ta kos di papia, insoportabel i ta mantené fuerte hopi stinki riba distansha largu. E holo ta yega te den área di kaya Korona, e parti nort i den bario nort di saliña parsialmente. Meskos ku ta e kaso tokante vírùs di ‘corona’, no tin un idea i klaridat pa kuantu tempu mas e yerba ta sigui yega kosta. Potrèt ta duna un bista di e situashon na Lagun, sinembargo e área di Sorobon ta igual pèstá ku e yerba “Sargassum”.

Share This
error: Content is protected !!