KRALENDIJK – Miembronan di prensa a haña invitashon pa tuma nota di un di e sitionan kaminda e repatriantenan ku ta na kaminda pa Boneiru ta bai keda pa 2 siman. Ta trata di e hendenan biba na Boneiru i ta den eksterior i awor ta yega kas. Durante e paseo pa serka konosí ku e sitio, entre otro Christopher Frans a papia i a splika kiko i kon ta bai atendé ku e personanan ku ta yegando Boneiru awe atardi i ta bai den karentena. “Awe atardi e hendenan nan ta yega for di Hulanda i un grupo for di Colombia. E hendenan ta bai keda pa 2 siman na e sitio konosí pa Buddy Dive Resort. E hotèl awor ta e sitio sentral pa atendé ku esnan ku ta den karentena. Ta bai tin servisio pa e persona den por haña loke e ke for di kas i asistensia di dòkter etcetera. A skohe e lugá ku ta apropiá pa e persona durante e 2 siman i e parti di seguridat. E hende mes tin ku mantené su kamber limpi. Ta bai tin algun ‘budi’, un persona ku ta trese kos pa esnan den karentena, kende ta pèrkurá pa tur loke e persona tin mester, e hañ’é.  Gezag Edison Rijna a papia i na e okashon el a bisa ayera tabata e dia pa informá di e promé kaso di hende infektá ku e vírùs di ‘corona’ na Boneiru. “No a skonde niun informashon. 2 grupo ta yega Boneiru awe, un for di Colombia i e otro di Hulanda. Momentu di nan yegada aeropuerto ta sera, pa asina tene tur privasidat di esnan ku regresá Boneiru. Bon pa tene kuenta ku no pèrmití niun hende pa yega aeropuerto Flamingo awe atardi,” gezaghèber Rijna a menshoná. Kombinashon di potrèt ta ilustrá e momentu ku miembronan di prensa a hasi e paseo na e sitio sentral di esnan den karentena.

Share This
error: Content is protected !!