KRALENDIJK – Awe djabièrnè poko despues di 4’or di atardi, manera planiá e avion di e kompania KLM a yega Boneiru. Ta trata di e un Boeing 777-300ER ku e number di buelo 735. E avion pa promé bes a bini Boneiru, un di esnan mas grandi di e flota di e kompania. Bùsnan grandi a subi tereno di aeropuerto Flamingo pa buska pasaheronan i hiba nan na e sitio sentral di karentena. Ounke gezaghèber Rijna a pidi pa no bini aeropuerto, un kantidat di persona komo mirónes a presentá na e área i despues na kurá di aeropuerto pa tuma nota di yegada di e avion i pasaheronan. Hendenan ku no tabata tene nan mes na e reglanan stipulá entre otro pa mantené distansia i no forma aglomerashon.

Na yegada di e avion gezaghèber Edison Rijna a subi abordo i saludá tur persona ku a yega Boneiru den e promé grupo di repatriante. Alrededor di 35 persona a yega Boneiru den e promé grupo. Outoridatnan polisial i Kmar tantu riba baiskel, bròmer i den outo a sòru pa sera kaya International di tur dos banda pa evitá ku tráfiko ta pega riba e karetera rondo di aeropuerto.


Share This
error: Content is protected !!