KRALENDIJK – Un suidadano a papia ku Radio Live 99.9 FM i el a menshoná  kon nos hendenan di ántes a biba. Entre otro el a konta ku bièrnèsantu ta un dia hopi spesial. Kisas awendia ta otro, hopi no ta duna e dia e balor meresí.

Ántes grandinan tabata ranka Sentebibu for di den tera, bièrnèsantu promé ku 3’or atardi. Meskos tabata e kaso ku ‘welinsali’ i ‘foyo Santu’. Hopi bes tabata kue e mata nan ariba menshoná 12’or di mèrdia, momentu solo ta kima riba tera ku mas kayente.   

Nan ta ward’é i e ta yuda pa remedi. Ta kompartí ku otronan pa yuda na momentu di mester. E matanan tabatin mes un konsepto ku djadumingu di rama manera ta parti rama. Hendenan di ántes tabata pone nan fe ku e yerba ta bai kura nan, loke tabata e kaso tambe. Awendia hopi no ta wòri kuné mas. Esnan ku a kustumbrá ta sigui kuné. Sentebibu kologá den kas na porta ta kita mal energia. Pone Santa Anna i San Espedito, kendenan ta pareha di otro, pega sèn na nan, esei ta trese suerte di sèn.  Zeta di koko tambe tabata kushin’é bièrnèsantu promé ku 3’or, pa hunta momentu ku tin doló. Tabata bende esaki òf parti ku famia i konosí,” e persona a konta.

Share This
error: Content is protected !!