KRALENDIJK – Hende a kuminsá hasi e preguntanan; ta posibel sigui gosa di bida, esta selebrá fiesta di kultura i otronan. Manera e kantika di Dobl’é RR ta bisa: ”pasa loque pasa a vida continua”. Esei lo ta bèrdat? sinembargo den un konsepto hopi diferente. No solamente na Boneiru sino tur parti di mundu kos lo bai ta otro. Djis pensa si ta bai tin futbòl, sòftbòl, bolas,òf kualke otro rango di deporte. Fiesta manera dia di Rincon, Karnaval, dia di Boneiru, Regata, misa di kualke religion, fiestanan relashoná ku Pasku di nasementu i otro aktividatnan den luna di desèmber. Avion i barku ta bai kontinuá ku nan rutina di tur dia kargá ku hende? Algun di e diferente aktividatnan ku ta trese hopi hende huntu. Por a tende minister Raymond Knops menshoná algun dia pasa; Kosnan den mundu lo no kontinuá manera tabata e kaso den pasado. Tur kos ta bai funshoná diferente e minister a menshoná.

Si tuma algun aña promé yega na un remedi pa e ‘corona virus’, sigur esaki tin konsekuensia pa hopi kambio pa loke ta trata e forma ku hende a kustumbrá di biba kuné. Otro kos si nunka mas haña un remedi pa kura e vírùs di ‘corona’, kiko lo sosodé? Libertat i dibertishon di hende ta bira den gremio hopi limitá. Bida por bira, nase, siña kon traha pa medio di kòmpiuter riba Internèt, tanten ku esei ta posibel, kome drumi i pasa pa otro mundu. Di tur manera, apesar ku deskubrí remedi ku ta kura hende infektá ku e vírùs di ‘corona’, ta tuma hopi tempu promé ku hende sinti ku nan ta seif i sigur pa kuminsá reuní i purba biba bèk manera tabata e kaso promé ku desèmber 2019. Sèn lo no hasi un persona hérue. Esun ku tin hopi i e otro ku tin tiki, lo biba práktikamente igual. E kos mas importante den bida ta pa bira dòkter. Un hende ku por kura e ser humano momentu e tin kualke malesa ku no ta e vírùs di ‘corona’. Siña pa medio di Internèt konosementu di e hende su kurpa, kon e ta funshoná i biba mas salu posibel. Pa e motibu aki ta importante pa muchanan sigui estudio. Ta nan ta esnan ku aki 20 i 30 aña mester sigui e desaroyonan médiko. Algun di e diferente komentarionan último tempu den komunidat di Boneiru.


Share This
error: Content is protected !!