KRALENDIJK – Direktor di SZW Eric Brakke den un entrevista ku Aimed Ayubi, a menshoná ku djabièrnè awor ta entrega sèn na kompanianan ku a hasi petishon. “Ya pa 2 siman nos a kuminsá ku e posibilidat kaminda hende por hasi petishon i te awor tin 2300 petishon pa yudansa finansiero debí na e problema di ‘covid -19’. Nos ke pone tur kos na òrdu pa por paga tur hende. Pa djabièrnè awor e kompanianan ta haña e pago. Nan tin ku prosesá esaki i paga e trahadónan. E trahadónan ku ta bin na remarke ta esnan ku ta traha na entre otro hotèl. E trahadó no mester prekupá, sinembargo nan doño di trabou ta atendé tur kos i pasa e sèn pa e trahadó. Taksista, piskadónan i esnan ku a pèrdè trabou despues di 13 di mart por bin na remarke pa e supsidio. Ta bai atendé tur esnan ku ta den nesesidat. Un persona ku no ta inskribí na kamer van koophandel i no ta paga belasting, no ta bin na remarke pa ayudo. Saba i Sint Eustatius aparte di Boneiru ta bai risibí e ayudo meskos ta e kaso na Boneiru. Nan a manda nan petishon i tur kos ta den proseso. Por hasi petishon pa bin na remarke di supsidio riba ‘website’ di SZW,” Brakke a menshoná.

Share This
error: Content is protected !!