KRALENDIJK – E kasonan ku gezaghebber Edison Rijna a anunsia komo kaso di korona na Bonaire, segun normanan internashonal I tambe na nos islanan ruman Korsou, Aruba I St Maarten ta wordu raporta komo inkonkluso I no komo kaso di korona. Un kaso konfirma ta ora ku tin un konfirmashon di laboratorio di e vrius , ir-respektivo di senjalnan I simptomanan kliniko, esaki ta segun definishon internashonal pa raporta un kaso konfirma.

Pa kalma e pueblo ku repatriashon ku potenshal kargadonan di korona ku lo por jega Bonaire for di paisnan infesta ku e virus. Gezaghebber Rijna I EBT a anunsia ku Bonaire ta bon prepara ku asistensia for di Hulanda I Colombia  pa deal ku e virus.  Esaki ta malinformashon o manipulashon di pueblo Boneriano pasobra segun raportahe mundial Hulanda ta un di paisnan na mundu I sigur na Oropa ku tin mas problema pa deal ku korona. Hulanda ta entre e promenan I por kompare ku Merka , per kapita,  tin kasi mes tantu hende infekta pero tin dobel mas morto ku Merka a konsekuensia di korona. 

Na Hulanda tin mas ku 33 mil kaso di korona I a hospitalisa mas ku 8000 hende i ku su sistema di kuido I hospital no por akapara tur e problema ta kombirtiendo stadion di futbol den hospital I ta mandando pashentnan Alemania.

Na Hulanda kada dia tin alrededor di 1000 kaso nobo di korona I mas ku 100 hende kada dia ta muri I loke ta mas espantoso ta ku di e 3751 ku a muri te awo ta ku ca 90% pues 9 di kada 10 hende ku muri ta hende nan riba 60 anja di edat.  I awor “Platform ZorgDomein” di dokternan Hulandes mes ta bai investiga pasobra e sifranan aki ta hopi mas haltu pasobra RIVM ta registra I raporta solamente hendenan ku a wordu di test I a muri den hospital o intensive care pero no esnan ku a muri den sentronan di kuido, na kas o otro kaminda I ku no a wordu di test.

Loke gezaghebber Rijna ni EBT ni ningun deputado I mandatario no ta splikando pueblo Boneriano ta ku ta Hulanda I RIVM ta disidi den salubridat I ku Gobiernu di Hulanda tin un plan oskuro pa deal ku Korona COVID-19. Hulanda ta aplikando e sistema di herd-immunity- imunidat di grupo – ku ta ensera ku ta laga hendenan pega ku e virus I espesialmente esnan mas vulnerabel i grandinan lo muri, I gobierno lo spar miones na presupuesto di kuido I penshon. E sifrnanan ariba I internashonalmente raporta ta prueba di esaki.

Ta pesey Rijna a bisa ku korona mester bin Bonaire? Pa por importa e systema oskuro Hulandes, ku ley di euthanasia I ley ku riba 70 anja dokter no ta obliga pa trata o yuda pashentnan,nos grandinan I esnan mas vulnerabel lo bira estadistika di korona meskos ku na Hulanda?

Dikon diputadonan Kroon I Tjin Asjoe ta ketu, espesialmente den Heijer – diputado sosial ku mas tantu voto – no a opone na e drive-thru test banda di e kas di kuido – I no kier proteha nos pueblo espesialmente esnan mas vulnerabel I nos grandinan kontra di e plan oskuro aki di gobierno Hulandes?Dikon Dialogo Sentral ta ketu? Dikon USIBO ta ketu I no ta defende e ser humano mas? Dikon BONHATA, TCB, BBE , Asosashonan di bankonan – sektor komersial- tambe ta ketu, ku un Bonaire komo uniko isla den Karibe ku no tin real kaso di korona-virus ,Bonaire lo por ta prome islanan den Karibe I mundu pa rekupera bek nos turismo komo un isla Korona-free? Dikon kleronan I religionan ta ketu apesar di tur e datosnan aki ku ta praktikando euthansia premidita ku korona? Dikon politikonan Boneriano no ta analisa e datosnan di Hulanda I splika pueblo Boneriano ku Hulanda ta un di e paisnan na mundu ku tin mas problema I mas morto per capita I no por sigui ordu di Hulanda na Bonaire sin mas pa hasi meskos importa I trese e virus Bonaire pa sigui kaba ku esnan vulnerabel I grandinan I sobra di e pueblo Boneriano ku a bira minoria kaba riba su mes isla?

James Finies, Nos Ke Boneiru Bek

Share This
error: Content is protected !!