KRALENDIJK – E kompania di limpiesa di Boneiru, Selibon NV, tambe ta sintiendo efekto debí na e situashon di coronavírùs. E kompania awor tin ménos entrada, entre otro debí ku hotèl i restorantnan a sera nan porta. Di mes nan no tin shushi i trùknan no mester pasa.

Direktor di Selibon Rudsel Leito, ta splika ku práktikamente tur restorant ta será. Esaki ta inserá ku nan no por duna servisio na un kuart di nan klientenan. Naturalmente nan lo sinti esaki den e di dos kuartal di aña.

Segun kalkulashon, Selibon lo bai tin un pèrdidá di mas ku 50 mil dòler. Nan no por apliká pa e sosten di emergensia di gobièrnu, pa motibu ku nan ta risibí tarea direktamente di gobièrnu, i outomatikamente mester ahustá nan servisio. Kaminda tin defisit, gobièrnu ta supsidiá e pèrdidá. Selibon tin 56 persona den servisio. E situashon aktual a pone ku Selibon a tèrminá akuerdo ku tur trahadó di ‘uitzendburo’.

”E situashon aktual ta pone ku tin di hasi un reorganisashon chikí. Lo adaptá sierto proyektonan na Landfill”, Rudsel Leito a bisa.

Share This
error: Content is protected !!