KRALENDIJK – Selibon N.V. a duna un demostrashon kon nan ta atendé ku shushi ku ta rekerí atenshon spesial. Ta trata di produktonan kímiko, ku por i ta kontené kosnan kontagioso i mester trata esaki di un manera korekto pa deshasí di nan. Awe tabata promé bes ku Selibon N.V. a duna e servisio pa rekohé shushi for di sentro di karentena. Un vehíkulo spesial a bai na e sentro i a buska e shushi i tres’é dirèkt Landfill pa deshasí di esaki pa medio di un fòrnu spesial. Por a tuma nota momentu ku e vehíkulo a yega Landfill na e área ku ta kima e shushi nan kímiko, kon hendenan di trein spesial kon pa atendé ku e shushi. E shushi ta den saku di plèstik dobbel, loke ta palabra ku esnan ku ta pone e shushi na e sentro di karentena. Ta kue e saku nan di shushi i ta pisa nan i dependé e kantidat ta pone den e fòrnu i kima e shushi. Ta trata di tur loke dòkternan ta usa, entre otro restu di angua, fèrbant ku a limpia herida i kosnan ku a usa pa tratamentu di hende ku posibel vírùs di ‘corona’. Ta bon pa informá ku no ta kore bai bin ku e shushi riba kaya, sinembargo ta move ku e shushi kímiko di e sitio pa Landfill dirèkt. Tin un dia spesial ku personal di Fundashon Mariadal ta deshasí di shushi kímiko na Landfill, kaminda ta kima esaki den e fòrnu, un proseso spesial. 

Share This
error: Content is protected !!