KRALENDIJK – Den luna di mei i yüni ta planiá, manera kustumber, pa selebrá sakramentu di Primera Komunion i Konfirmashon. Debí na e situashon ku a surgi dor di Covid-19, kaminda ku no por selebrá Santa Eukaristia ku grupo di hende presente, a posponé selebrashon di Sakramentu di Primera Komunion i Konfirmashon te otro aviso.

Ta urgi kreyentenan pa keda ku bista riba Kristu Hesus, paso asina so nos por sali viktorioso for di tur situashon. Nos ta gradisí Dios pa Su kompashon pa Boneiru ku e reto ku nos ta den aki. Tambe pidi Dios pa sigui drama Su bendishon riba pueblo di Boneiru i sana nos kompatriotanan ku ta sufri di kebrante di salú pa motibu di korona vírùs i tambe pa tur esnan kontagiá rònt mundu, sabiduria i fortalesa pa outoridatnan lokal i internashonal i pa tur esnan ku ta empleá den e tim pa guia i informá pueblo di Boneiru pa atendé ku e situashon rondó di Covid-19, tur esakinan den nòmber santu di Kristu Hesus nos Señor, Salbador i Sanadó.

E komunikado aki na nòmber di Vikario di Boneiru, pader Santiago.

Share This
error: Content is protected !!