KRALENDIJK — Marvin Abdul bon konosí pa Dj Marv’,ayera a presentá e programa di Radio Live 99.9 FM ku Xiano Willem. Huntu nan a krea un ambiente diferente den studio entre 9’or pa 11’or di mainta. Kantidat di yamada tabata drenta durante e programa. E chikitin apesar ku e ta deskonosí den e mundu komo lokutor, el a hasi e diferensia e mainta. Xiano tin solamente 5 aña, i debí na su estatura kòrtiku, e tabata riba stul na rudia pa e por papia den mikrofon. Pa promé bia el a papia ku oyentenan di Radio Live, mandando saludo pa esnan ku bèl pidi. E gusta e tarea komo lokutor, i ken sa den futuro direktor di Radio Live 99.9 FM Aimed Ayubi, tin ku krea un espasio pa Xiano presentá su programa? Si e gusta e kos i for di chikitu praktik’é, den futuro e ta bira un tremendo lokutor. Riba potrèt Dj Marv i e futuro lokutor Xiano.

Share This
error: Content is protected !!