DIA DI ANTRIOL 27 DI APREL E AÑA AKI LO NO WORDU SELEBRÁ MANERA PLANEÁ

KRALENDIJK – Fundashon Antriol Avanti den un komunikado ta bisa ku e selebrashon di dia di Antriol pa e aña aki lo no wordu selebrá manera planeá. Pesei Fundashon Antriol Avanti ta manda un mensahe spesial pa e habitantenan di bario di Antriol.

Nos ta pasando den tempunan di reto debí na Corona vírus, nos ta spera ku kada habitante lo sa di selebrá nan dia den seno familiar dia 27 di aprel próksimo, ku ta e dia ofisial di selebrashon Dia di Antriol.

Debí na medidanan tumá a kousa di Corona vírus nos ofisina ta será pa un temporada. Direktiva ta sigui traha na benefisio di bario. Segun tempu ta transkurí habitantenan lo mira kambionan den nos dushi bario.

Pabien ku nos dia, selebrá huntu den seno di famia, teniendo na kuenta tur e medidanan di prekoushon i sperando riba mihó momentonan pa nos tur.

Share This
error: Content is protected !!