KUATER SUIDADANO TA HAÑA KONDEKORASHON REAL I ENTREGA DI MEDAYA LO TUMA LUGÁ DESPUES

Kralendijk – Awe djabièrnè 24 di aprel 2020 den oranan di mainta Kapitel na Hulanda a publiká personanan ku a risibí un kondekorashon serka Su Mahestat Rei Willem Alexander.

Pa loke ta trata Boneiru, kuater persona a risibí un kondekorashon e aña aki.

Ta trata aki di sra. Susana Ruthmilda Damascus Martines – Lid in de Orde van Oranje-Nassau,

Sr.  Nazario Inocensio Alberto – Lid in de Orde van Oranje-Nassau,

sr. Paulus Everardus Wichers Schreur – Lid in de Orde van Oranje-Nassau

i sr.  Gerardus Jacobus Arnoldus van Erp – Ridder in de Orde van Oranje-Nassau.

Kontrali na añanan anterior, e aña aki debí na e krísis aktual, no ta tene e resepshon pa entrega di e medaya di kondekorashon.

Esaki lo tuma lugá riba un otro fecha na momentu ku e situashon normalisá.

Sinembargo Gezaghebber di Boneiru, sr. Edison Rijna a pone e personanan ku a risibí e kondekorashon Real na altura.

Un kondekorashon ta un símbolo di rekonosementu na un persona pa su aporte personal, òf algu ekstraordinario pa komunidat.

Tur hende por proponé un kandidato ku por bini na remarke pa un kondekorashon real. Pa manda un nòmber aden mester yena un formulario i motivá dikon e persona lo mester bini na remarke pa e haña un kondekorashon. Ta yena un formulario ku e motivashon i tambe informashon di e persona i ta duna referensia. E petishon aki ta drenta serka e komishon di kondekorashon ku ta konsistí di Robert Sances, Lucia Anthony,  Jeaninne Wong Loi Sing i Mary Tjin Asjoe i Ada de Palm. Nan ta kaba di prepará e dokumentonan i hasi un promé sondeo pa wak si e petishon ta kumpli ku loke tin preskribí.

 Na momento ku esaki ta kla ta entregá e proposishonnan na gezaghèber ku ta duna un konseho. Si e konseho ta positivo por duna un proposishon pa e sorto di altura di kondekorashon. Finalmente e representante di reino ta duna un kontesta final. E petishonnan ku e representante di reino risibí ta bai pa un komishon di  sinku  persona ku ta independiente (Kapittel voor de Civiele Orden) ku ta bai wak si e proposishon ta kumpli ku e reglamentu di òrdu i e ta duna minister un konseho.

Esun ku ta manda un proposishon aden mester tin pasenshi. E por dura un par di luna promé ku e ta kla. Ta importante pa entregá e informashon na tempu pa asina por prosesá e informashon na tempu. Pa promé di sèptèmber  e proposishonnan mester ta den man di gezaghèber. P’esei ta importante pa entregá e petishonnan no mas tarda ku 15 di yüli asina entidat públiko tambe por pidi informashon adishonal ku nan tin mester manera e papel di bon kondukta. 

Ki ora un persona ta bin na remarke pa un kondekorashon? Si un persona ta hasi trabou boluntario kaminda su meta ta por ehèmpel pa laga e otro sintié bon. Si tin aporte personal òf spesial pa e komunidat. Esei por ta den trabou boluntario pero tambe den trabou paga. Boluntarionan ku pa 15 aña òf mas a duna un aporte inkansabel na un organisashon riba tereno di por ehèmpel deporte, kultura, arte, bida religioso, naturalesa, órden públiko ta algun ehèmpel ku por hañá un kondekorashon.

Un persona ku a hasi algu ekstraordinario den su trabou, tambe lo por bini na remarke pa un kondekorashon. Importante ta ku komunidat mester a benefisiá di e trabou ku e hende a hasi. Pues e no mester ta relevante solamente pa e organisashon kaminda e kandidato ta traha, ma pa komunidat tambe. 

Gobièrnu di Boneiru ta manda palabranan di felisitashon na e kuater personanan ku a risibí e kondekorashon real.


Decorandus:      Susana Ruthmilda Martines

                                Lid in de Orde van Oranje-Nassau

-2004-2017 Vrijwilligster bij de kankerfonds (medeoprichter kankerfonds/2010-erelid)

-Ouderen en zieken bezoeken met de pastor

-Voedselpaketten maken en rondbrengen voor minderbedeelden

-Verkoopster in de winkel van de pastorie

-Grupo aktividat werft fonds voor de kerk

-Leidster van Grupo Divino Nino

Decorandus:      Nazario Inocensio Alberto

                                Lid in de Orde van Oranje-Nassau

-Jaarlijkse Benefit wandeltocht Stichting Prinses Wilhelminafonds

-Gedurende 10 jaar actief geweest in het sport biljart

-Vanaf 2003 jaarlijks deelnemer aan de Nijmeegse Vierdaagse wandeltocht

-2x 100km Dodentocht van Bornem

-Meer dan 25 jaar Collectant R.K.Kerk Coromoto

Decorandus:      Paulus Everardus Wichers Schreur

                                Lid in de Orde van Oranje-Nassau

-Werkzaamheden tbv Dierenasiel Bonaire  (bestuurstaken, bouwbegeleiding, administratie, fondsenwerving)

-Opzetten van Pakus di Pruga (kringloopwinkel)

-Kraam van Stichting Dierenasiel Bonaire op de cruise markt

Decorandus:      Gerardus Jacobus Arnoldus van Erp

                                Ridder in de Orde van Oranje-Nassau    

-Verschillende reddingen op zee

-Schrijver van Yachting Guide tot he ABC-islandswaardoor zeilers de weg naar ABC-eilanden konden vinden

-Inspirator voor het boek Cruising Guide to Bonaire

-Lid bestuur van Stinapa tevens enkele jaren voorzitter

-Organiseerde verschillende activiteiten tbv eerste cruiseboot dat Bonaire aandeed omdat hij niet in andere haven kon en mede hierdoor is Bonaire een vast onderdeel van cruiseboot cruises geworden

-Oprichter Mangrove centre (eco-friendly tour met kayak of fluisterboot)

-Bouwen en operationeel maken van buterflyfarm

-Bijdrage geleverd aan vele TV-series & documentaries (doel: Bonaire op kaart zetten)

Visie: natuurbehoud op Bonaire en diversiteit in toeristische activiteiten brengen op een voor mens en natuur aanvaardbare manier

Share This
error: Content is protected !!