KRALENDIJK – Djaweps atardi Ruthmilda Susana “Ruth“ Damascus a keda sorprendí pa un yamada di gezaghèber di Boneiru Edison Rijna,  miéntras e tabata na kas den kompania di 3 amiga. Tres amiga a bisa “Ruth” ku nan ta pasa na su kas un momentu pa kombersá. Miéntras nan tabata na kas di “Ruth”, telefon di “Ruth” a rin. Momentu ku el a kontesta tabata gezaghèber Rijna, kende a tuma kontakto kuné i a informe ku e yamada ta pa informe ku a skohe e pa duna rekonosementu di Kondekorashon Real. Tabata un sorpresa enorme, i na e momentu ei mas hende yegá den famia a presentá. Nan tabata na altura ku e yamada ta bai tuma lugá. Normalmente riba fecha natal di su mahestat Rei Willem Alexander, ku ta 27 di aprel, ta duna rekonosementu na 4 persona komo kondekorashon real.

Debí na e pandemia di “COVID-19 a posponé e aktividat ku probablemente awor ta organis’é den luna di ougùstùs 2020. E momentu ku gezaghèber a menshoná ku e ta rekonosé señora Damascus komo Decorandus , el a komprondé e motibu di presensia di e amiganan. Señora Damascus a emoshoná e momentu. E informashon a mishi ku su kurason. Radio Live 99.9 FM tabatin e privilegio di a drenta den kas di e Decorandus, poko despues ku a informá ‘Ruth’ di e Kondekorashon Real. A saka potrèt di esnan presente, entre otro Ruth i su esposo Rafael, amiganan i algun miembro di famia mas yegá.  

Share This
error: Content is protected !!