KRALENDIJK – Djasabra último 25 di aprel na e edifisio di komunidat di chines “Chinese Association of Bonaire”, kantidat di komersiante chines a trese diferente kaha di produkto huntu. Meta di esaki ta pa traha pakete pa esnan ku ta den nesesidat den komunidat. A kolekta tur produkto, i duna e diferente grupo pa repartié den hendenan ku nan ta na altura ku ta den nesesidat. Xuwen Cen kende ta Presidente di asosashon Chines na Boneiru a bisa prensa ku nan a yega na e idea pa tur komersiante chines uni i duna esnan ku ta den nesesidat. Diputado Nina den Heyer tabata presente momentu ku a kuminsá pone e produktonan huntu. El a bisa sigur nan ta apresiá e gesto i e bon trabou ku kada pastor nan ta hasi pa repartí pakete na hende ku tin mas mester den nos komunidat. Pader Ivan Dario Perez ta otro persona ku a presentá na e sitio pa tuma nota di loke ta pasando, sigur ta di aploudí. Pader kende ta representá e grupo di pastornan a menshoná ku ta trata di 10 iglesia ku ta bai haña pakete pa repartí pa esnan ku ta rekerí ayudo. Ta promé bia ku ta traha pakete loke ta bai kontinuá pa e temporada di krísis relashoná ku “corona virus”, ku tin mundu kompletu destrosá.

Riba potrèt momentu ku a trese tur kaha huntu pa traha pakete i entrega.

Share This
error: Content is protected !!