KRALENDIJK – Tremendo inisiativa di parti di asosashon Chines loke nan a palabrá pa hasi. Nan a pone man huntu pa duna un kantidat di produkto di promé nesesidat na hendenan den nesesidat. Sigur ta di aploudí pasobra no solamente nan ta hasi negoshi, sinembargo nan ta duna bèk na komunidat, i skohe e grupo ku mas ta den nesesidat. Esaki mester sirbi komo ehèmpel pa otro organisashonnan, kompania, manera tin un palabra ta bisa duna sin spera ku bo ta haña bèk. Ta notabel kon union ta hasi forsa. Kada persona pa pone algu, i huntu e ta bira un pakete grandi ku ta hasi e ser humano felis. Momentu ku mundu stabilisá i kada komunidat ta stabil, tur hende lo probechá di nobo. Esaki ta konta pa tur komersiante entre otro. Ban yuda awor pa despues huntu nos kontinuá pa dilanti.   


Share This
error: Content is protected !!