KRALENDIJK – Djadumingu 26 di aprel alrededor di 9’or di anochi a sosodé un aksidente di tráfiko riba Kaya Korona. Ta trata di un aksidente entre un outo di famia i un skuter. E impakto tabata fuerte entre e vehíkulonan, ámbos manehá pa un dama. Polis i ambulans a presentá na e sitio, na e krusada T di kaya Korona na altura di RBC. Personal di ambulans a tuma hopi tempu na e sitio pa atendé ku e dama ku tabata manehá e skuter. E tabata keha di hopi doló miéntras e tabata riba suela. Su famia a presentá na e sitio miéntras tabata atendé ku e víktima. A faha e dama stabil i bai hospital. E dama ku tabata manehá e outo a spanta i tabata yora hopi na e sitio, lamentando inmenso loke a sosodé. CRS i departamentu di Tráfiko ta kontinuá ku e investigashon pa determiná kousa di e aksidente.

Share This
error: Content is protected !!