KRALENDIJK – Sekretario di estado Raymond Knops a dirigí palabra resientemente na komunidat di islanan BES, Aruba, Kòrsou i Sint Maarten. “For di despues di segunda guera mundial, ta promé bia e islanan aki ta pasa den un situashon asina fastioso. E problema ta mundialmente, sinembargo nos ta pèrkurá pa e islanan di Karibe hulandes. E vírùs di ‘corona’ ta aktivo i no sa kuantu mas ta dura promé yega na un solushon. E konsekuensianan ta bai ta fastioso. Nos mester ta konsiente ku ta bai tin un tempu difísil nos dilanti. Mester pèrkurá pa no tin un eksploshon, kaminda kantidat di hende ta bira malu di e vírùs na mes momentu. A manda ayudo pa Sint Maarten for di Hulanda pa duna un man aya. Meskos ta e kaso na islanan ABC. Tin atenshon entre otro pa kon por kuminsá ku enseñansa entre otro. Mester keda ku bon atenshon riba e sitashon di e vírùs, kon e ta komportá. Purba mantené na e reglanan pa evitá ku e vírùs ta plama. Hulanda a tuma e desishon pa atendé un pakete di ayudo pa islanan di Karibe hulandes i Kòrsou, Aruba i Sint Maarten. A tuma nota di potrèt kon diferente famia ta biba sin por sobrebibí stabil. E hendenan no tin trabou loke ta hasi nan bida difísil pa yega na sèn pa kumpra kuminda. Diferente organisashon ta ‘drag een steentje bij’ na e islanan pa yuda esnan den nesesidat. Gabinete Hulandes a pone disponibel 16.5 mion Euro pa yuda e islanan ku kuminda i pa atendé e parti higiena. Nos ta un komunidat i ta importante pa kuida esnan ku mester di ayudo,”sekretario di estado Knops a menshoná.  

Share This
error: Content is protected !!