KRALENDIJK – Awe djamars algun minüt promé ku 11’or di mainta, a sosodé un aksidente di tráfiko riba kaya Libertador Simon Bolivar. Ta trata di un outo di famia ku tabata e uniko vehíkulo enbolbí den e aksidente, dilanti di warda di polis den sentro di suidat. E shòfer a pèrdè kontròl, dal den e asera i den e pionnan di betòn riba asera. Debí na e impakto den e pionnan riba asera, e vehíkulo a resultá riba su banda. Despues algun persona a pusha e outo i lag’é regresá riba 4 wil. E outo a haña daño material parti dilanti i gran parti di un di e bandanan. Polis a sera kaya den e área i a hasi investigashon di loke a sosodé. No tabatin herido i solamente 1 outo enbolbí den e aksidente. 

Share This
error: Content is protected !!