KRALENDIJK – E hoben Boneriano Jeandre Cicilia ku otro logro den 2020, awor komo piloto pa buelo komersial. Komienso di 2020 na luna di yanüari, Cicilia a pasa ku éksito “instrument rate”, esta e di 2 strepi, loke ta lisensia pa por bula avion durante dia i anochi. Algun dia pasa, Cicilia a finalisá otro paso importante pa loke e ta hasiendo ku hopi amor i pashon, esta bula avion. For di 2019 el a inisiá e trayekto na Merka, i despues di luna di yanüari el a regresá Boneiru pa algun dia i despues bai Merka pa kontinuá. Awor el a logra “commercial multi engine” dia 28 di aprel 2020. E ta mas ku kontentu ku e logro, hopi trabou i pasenshi, sinembargo e ta satisfecho ku loke e tin den su man. Meskos ta e kaso famianan di Cicilia, kendenan ta hopi orguyoso di dje. Den un kombersashon ku Radio Live99.9 FM tabatin kuné, el a menshoná ku debí na e pandemia di ‘corona virus’ e proseso a dura algun dia mas di loke tabata planiá. Pabien pa Jeandre, otro hoben Boneriano komo piloto.  

 

Share This
error: Content is protected !!