KRALENDIJK – Djaweps 30 di aprel manera kustumbrá, ta e dia ku ta selebrá dia di Rincon. 2020 tabata planiá pa organisá e selebrashon di dia di Rincon un dia ofisialmente liber pe e selebrashon. Debí na e krísis di ‘corona virus’, no por a organisá e fiesta riba e dia. A kanselá tur aktividat debí na e pandemia di e vírùs. Selebrashon di Santu Sakrifisio di misa a tuma lugá riba e dia parti mainta pa 9’or, na parokia San Luis Beltran na Rincon. Misa tabata afisiá pa pader Ivan Dario Perez Gomez. Un kantidat limitá di hende por tabata presente i otronan por a sigui e Santa Eukaristia pa medio di televishon i ‘Facebook’.

E parti final di e selebrashon a bendishoná bandera di Rincon i a dirigí palabra Francisco ‘Bubuchi’ Janga i diputado James Kroon.

Francisco ‘Bubuchi’ Janga durante su spich den misa a menshoná ku ‘Dia di Rincon’, 30 di aprel 2020 a habri tristu. E presidente di FUDECO, e organisashon ku ta organisá ‘Dia di Rincon’ a bisa: “Tata permití pa mi dirigí algun palabra pa komunidat di Rincon, mi pueblo stimá. Momentu mi a spièrta mainta i habri wowo, un tristesa a drentami. Na mes un momentu un kos a papia den mi: Dikon bo ta tristu? 31 aña bo a hasi e fiesta i awor ta un simpel dia ku bo no por organisá e fiesta, i bo ta tristu? Felisidat ta ami ta dunabo i dia bo ta deseá esei, pidimi i lo bo hañ’é.

No laga awe pa nos ta un dia tristu. Kada persona ku nos topa, wak e  ku un sonrisa riba bo kara. Dios a duna nos oportunidat pa mira e dia di awe, ‘Dia di Rincon’. Nos tin ku sinta huntu i ta den bon union ku otro. Ban demostrá mundu e union ku nos tin, i ta ehèmpel pa otronan. Ban demostrá ku nos ta ruman i kada un kuida otro. Demostrá nos gezaghèber Edison Rijna ku nos stima otro i huntu disfrutá di bida. Pasa un felis ‘Dia di Rincon’.

Share This
error: Content is protected !!