Willemstad—luna di aprel 2020 e mundu di “dragrace” na   Kòrsou a kumpli 50 aña. A plania pa selebrá ku aktividat di diferente kareda loke no a tuma lugá debí na e pandemia di ‘covid-19. Debí na e krísis mundial pa loke ta trata “corona virus”, no a kontinuá ku loke tabatin plania komo selebrashon enkonekshon ku 50 aña “dragracing”.  Informashon ku un reportero di Radio Live a risibí di e deporte máksimo di “outomobilismo” den Reino Hulandes ta bisa: E aña aki ta 50 aña di “Dragracing” organisá riba isla nan Aruba, Boneiru i Kòrsou. A inisiá e aktividat di pustamentu di outo i motosaikel 1971 na “Koraal Tabak” bou di inisio di Hugo Bakhuis Sr. 

E aña aki ta 25 aña di e pista di “dragrace” na “Ronde Klip”, ku ta karga e nòmber “Curacao International Raceway”. Ta e deporte ku te awe a demostrá di ta e fasilidat mas sigur, mas gusta di den Caribe i rekonosé. Hende di rònt mundu ku gusta e deporte di “dragrace”a bishita e pista na “Ronde Klip”. 

Ta selebrá 10 aña di e “Branding” nobo ku ta “CURACAO INTERNATIONAL DRAG FEST”, despues ku a kambia di nòmber di 39 aña “KAREDA NAN DI DRAG RACE DI AÑA DI LA REINA I OBRERO”. 

Drag Racing ta úniko deporte na Kòrsou, ku a yega un kantidat di hende pa presensia e pustamentu, na “Koraal Tabak” i “Ronde Klip”, di mas ku 15 mil fanátiko riba 1 dia gosando di e deporte de Velosidat. 

A uni na Kòrsou ku partisipashon di e rivalidat di sèmper fo’i kuminsamentu Aruba kontra Kòrsou. 

Poko despues a sigui ku paisnan ku a uni partisipashon manera Venezuela, Hulanda, Merka, Trinidad & Tobego, Panama, Boneiru, Sint Maarten, Sint Eustatius, Colombia, Inglatera, Puerto Rico, Santo Domingo i Suiza. Organisadónan di e deporte di dragrace na Kòrsou ta gradisí tur esnan ku di un òf otro manera a kontribuí na e deporte di “dragracing” durante e 50 aña ku a transkurí, awor ku bista pa kontinuashon.

Share This
error: Content is protected !!