KRALENDIJK – Diputado Nina den Heyer a papia tokante diferente posibilidat di adaptashon relashoná ku ‘corona virus’. Den Heyer a menshoná entre otro ku siman pasá Silvana Janga Servilia di direktorado komunidat i kuido a elaborá riba e yudansa material i inmaterial ku esnan ku a haña nan den problema relashoná ku e pandemia di ‘virus di ‘corona’. “Manera ya ta konosí por hasi petishon pa yudansa pa pagamentu di WEB, TELBO, Flamingo TV i pago di hür di kas. Meskos ta e kaso pa pakete di kuminda. Te awor un kantidat di kasi 400 petishon a drenta, di kua a tuma kontakto pa medio di telefon ku 360. Falta mas o ménos 75 pa entrega mas informashon nesesario pa por prosesá nan petishon. Mester entregá e dokumentunan nesesario pa por kontinuá ku e petishon. Mayoria petishon ta pa gastunan di Web i internèt. Un súplika ta bai na tur hende pa kontesta telefon ora risibí un yamada for di e number 717-5330 pa asina drenta den kontakto ku e persona ku a inskribí pa yudansa. For di 1 di mei te fin di aña Hulanda ta yuda kubri gastu nan figo i deskuento di internèt loke sigur ta bai yuda. Diferente organisashon a duna un man pa entrega pakete di ayudo pa esnan den nesesidat. Tin persona ku a tuma kos i nan no ta den nesesidat, loke ta stroba esnan kende si mester di ayudo,” diputado den Heyer a menshoná.

Share This
error: Content is protected !!