KRALENDIJK – MBO Bonaire ta bai tin un dia habri, kaminda por haña informashon i inskribí pa un estudio. Mester traha sita pa medio di telefon òf inskribí pa un estudio riba e ‘website’ di MBO pa por pasa djasabra pa informashon i tur detaye. Tin posibilidat pa sigui estudio di ITC, deporte, sekshon di turismo, ‘Welzijn’, media, tékniko, atministrashon, konstrukshon i horeka. Tur kurso ta interesante, ta dependé kada persona nan deseo. E kurso di maneho i ‘maatschapelijke zorg’ ta e pakete di estudio nobo ku MBO tin pa ofresé. Si inskribí awor, por kuminsá na luna di ougùstùs. Hóbennan di 15 òf 16 aña ku kaba skol sekundario i ku ta interesá pa un estudio e ta posibel. Sinembargo hende di edat tambe ta posibel pa nan sigui un estudio. Por hasi estudio den kombinashon ku traha i studia anochi, i tin diferente otro posibilidat. Un persona ku ta interesá pa sigui un estudio por bishitá e website www.mbobonaire.com òf manda un ‘whatsapp’ na number di telefon 786-4751 pa mas informashon. Djasabra awor ta spera hopi atenshon pa hende ku ta interesá pa kontinuá ku un estudio mas avansá.   

Share This
error: Content is protected !!