KRALENDIJK – Djaluna alrededor di 3’or di atardi, un pikòp pa un òf otro motibu a pèrdè kontròl i bòltu riba un banda. E aksidente a tuma lugá poko despues di e planta di WEB na Hato, riba kaya Gobernador N. Debrot. E vehíkulo tabata biniendo for di Sabadoco direkshon pa bai Playa. Despues di e aksidente algun persona a pusha e vehíkulo i pone bèk riba su wilnan. E shofur danki Dios a sali ileso for di e aksidente. Polis ku a presentá na e sitio a sera kaya pa hasi investigashon i pone santu riba zeta ku a plama riba kaya.

Potrèt ta ilustrá na e sitio di aksidente   

Share This
error: Content is protected !!