KRALENDIJK – Despues ku resientemente diputado Nina den Heyer a menshoná ku skol ta kuminsá otro siman 11 di mei, e no a kai den muchu bon tera. Hopi reakshon a bini despues ku diputado den Heyer a menshoná ku e temporada ku no tabatin skol debí na e pandemia di ‘corona virus’, dosentenan ta kla prepará pa por finalisá e aña eskolar sin ta nesesario pasa e fecha anual eskolar. Esaki tabata entre otro notabel riba ‘facebook’ i mayornan ku a aserka Radio Live 99.9 FM. Skol a sera for di 13 di mart 2020 i ta kontinuá dia 11 di mei, pues kasi 2 luna no tabatin skol. Durante e periodo ku skol tabata será, tabatin mas o ménos 2 siman di fakansi. Pues e muchanan ku tur probabilidat a pèrdè 3 pa 4 siman de lès. Kon un mucha ta bai kapta den un tempu kòrtiku, pa siña loke normalmente nan ta hasi den un tempu mas largu, esta mas dia. Kisas algun mucha por kapta loke nan a pèrdè rápido, sinembargo tin mucha mester di mas tempu pa siña e materia. Esaki por perhudiká e muchanan ku no ta kapta kos rápido, ta entre otro e gritunan den komunidat. Tambe nan ta bisa ku diputado a menshoná ku e muchanan a sigui lès na kas pa medio di Internèt, sinembargo nan no a hasi hopi kos pa por bisa nan ta kasi bei, manera ta bisa.

Diferente persona a bisa dikon no ta pone 2 òf 3 siman èkstra durante luna di yüli, momentu ku normalmente ta plania pa fakansi grandi di skol. Si hasi esaki e lo ta hopi mas benefisioso pa nos muchanan ku ta nos futuro. E chèns ta grandi ku luna di yüli, esta fakansi grandi lo no tin hopi posibilidat pa bai den eksterior, i si esei ta e kaso hopi hende ya ta menshoná aki aya ku nan no ta bai niun stap pafó di Boneiru pa awor. Un kos ta sigur muchanan ku ta den klas di eksamen ta rekerí nan tempu trankil loke nan a plania for di komienso di aña eskolar pa na final nan hasi tur esfuerso pa finalisá skol eksitoso. Loke a sosodé no ta falta di e mucha, tampoko di e yùfrou.

Ta  importante pa hasi fakansi grandi poko mas despues di e fecha plania ku ta kuminsamentu di yüni. Sea ta hasi e fakansi grandi mas kòrtiku òf kuminsá poko despues di e fecha plania normal den luna di ougùstùs, ku skol ta kuminsá normalmente. Ta bon pa informá ku e situashon aktual no ta falta di nos. Pues no solamente skol, sinembargo diferente otro kos mester ahustá pa kontinuá. Esaki ta e reakshonnan ku ta sirkulá den komunidat. 

Share This
error: Content is protected !!