KRALENDIJK – Direktor di Maduro & Curiels Bank Bonaire NV, Leonard Domacassé a papia ku Radio Live 99.9 FM relashoná ku loke resientemente a keda publiká riba Facebook Page di Radio Live 99.9 FM. Ta trata di e situashon kaminda hopi hende ta bai e ‘branch’ di MCB na Playa kousando aglomerashon di hende innesesario. Domacassé: ” E situashon ta algu ku ta presentá sèmper fin di luna. E ta dura algun dia i despues e ta normalisá. Debí na e situashon di e pandemia di vírùs di ‘corona’, Banko mester a bai ku e reglanan pa duna servisio. Pa e motibu aki a kontinuá ku solamente un ‘branch’. Skol a sera i hopi mayor no tin un kaminda pa nan yu bai, pues diferente empleado di banko ta traha mitar dia pa duna atenshon na nan yu. E ‘branch’ di MCB na Playa ta mas fásil pa a krea un forma pa por atendé ku kliente den e konsepto nobo, ku e reglanan di distansha sosial. Pa e motibu aki ‘Hato Branch’ ta será. Esei ta e motibu ku tin aglomerashon di kliente pafó di e MCB ‘branch’ na Playa. Ta bai adaptá e servisio di ‘branch’, kaminda ta bai habri e ofisina na Hato dia 18 di mei. Pues denter di 2 siman ta bai tin 2 ofisina di MCB operashonal. 

Loke nos ta bai konsentrá ariba ta pa mas kliente kuminsá hasi uso di ‘Online Banking’. Usando ‘ATM’ i paga ku karchi di banko entre otro ta evitá aglomerashon di hende na filialnan di banko.  Hopi bes e kliente ta presentá na banko pa e depositá sèn ku e doño di trabou a pag’é. MCB tin un tim spesífiko ku ta bai yuda kliente, guianan pa por kuminsá hasi uso di ‘Online Banking’. E situashon di hopi kliente fin di luna den banko ta algu normal, sinembargo den futuro mester bira un ‘normal nobo’. Un normal nobo’ nos ta referí: si un persona por hasi un transakshon fásil pa medio di su telefon, nos ta bai yuda nan pa siña esaki. E hendenan di edat ku tin difikultat pa atendé ku e parti ’online banking’, nos ta duna oportunidat pa nan kontinuá den ‘branch’ pa nos yuda nan ku loke nan mester ta hasi. No solamente na Boneiru sinembargo Aruba, Sint Maarten i Kòrsou riba tur e islanan den Karibe, e ta algu normal, kaminda hopi hende ta bai banko fin di luna. Den futuro e mester bira ‘un normal nobo’. E periodo aktual ta forsa nos tur pa yega na ‘un normal nobo mas rápido ku nos a plania,” direktor di MCB a menshoná den su reakshon.  

Share This
error: Content is protected !!