KRALENDIJK – Hóbennan ku ta studia na SGB tambe a remarká ku bañonan na skol ta shushi i ta pidi atenshon di direktiva di skol. Nan a saka potrèt i graba video i manda esaki pa Radio Live 99.9 FM. Bèrdat último dianan tin hopi bientu loke ta kousa stòf tur kaminda, sinembargo por a hasi limpi promé ku e hóbennan a regresá skol. Aparte di stòf ku blachi palu den e wc nan, tin urina ku ya tin hopi dia den e wc, sin ku a flòsh e. Esaki ta e situashon ku e muchanan a yega topa awe djaluna mainta, promé dia di skol. Nèt awor ku tin siman nan largu tur dia ta papia di higiena, ta yega topa ku e situashon aki na un skol ku mester tabata kla pa risibi alumnonan manteniendo na medidanan ku tin. Simplemente un porkeria den e bañonan di oula na SGB. Bankinan pa sinta ariba den oula di SGB tambe ta na stòf diki, pues un indikashon ku esaki tin hopi dia pará sin limpia.

Potrèt ta ilustrá parti di e situashon na e skol ariba menshoná.   

Share This
error: Content is protected !!