KRALENDIJK – Inge Berben mènedjer di e proyekto tokante di violensia doméstiko na Boneiru, a menshoná ku a kristalisá algun punto. Último tempu ta notabel hopi atenshon pa konsientisá e hende tokante violensia doméstiko. Entidat Públiko Boneiru a presentá diferente proyekto ku programa di informashon riba e tópiko ariba menshoná. Fundashon Krusada a habri un akohida pa hende muhé ku ta víktima di violensia doméstiko. A forma e mesa di violashon doméstiko i maltrato di mucha. E ta konsistí di e mènedjer di programa, representante di entidat públiko Boneiru, i e grupo di funshonario di atenshon. E último ta representantenan di organisashonnan ku tin komo funshon entre otro pa atendé ku kasonan di violensia doméstiko. Berben a sigui bisa ku e aña aki ta kuminsá ku e punto di servisio pa mèldu kaso nan di violensia doméstiko i maltrato di mucha. Tin un vakatura pa kordinadó di e punto di servisio. Ta trata di e un servisio sentral, kaminda instansianan por mèldu kasonan di violensia doméstiko. Ta importante pa nos hendenan keda ku bon atenshon di desaroyo tokante violensia doméstiko, Berben a menshoná.   

Share This
error: Content is protected !!