KRALENDIJK – Manera ta konosí, muchanan por a kontinuá ku aña eskolar 2020, despues di tabatin un temporada na kas. No tabatin skol debí na e problema di ‘corona virus’. Manera ta kustumber muchanan di skol ta bai praktiká deporte (gem) na Kompleho deportivo Jorge Nicolaas. Awe mainta muchanan a presentá na e sitio ariba menshoná i nan sorpresa tabata ku e kompleho di deporte ta fo’i òrdu, manera ta bisa. Tur kaminda ta yen di tera, esta stof. Tantu abou na suela pero tambe ‘wasbak’ i ‘cooler’ unda tin ku bebe awa. Un lugá tur shushi no apropiá pa usa. Algun mayor a bisa e muchanan pa kambia paña na skol i no na e sitio di deporte. E pregunta ta, ken ta responsabel pa e sitio ta limpi pa e muchanan i hende grandi por praktiká deporte?

Potrèt ta ilustrá e situashon na e sitio pa praktiká deporte.  

Share This
error: Content is protected !!