KRALENDIJK – 3831 persona a hasi petishon pa bin na remarke pa areglo di emergensia di asuntunan sosial i empleo. Miéntras tantu a paga e kompensashon na 3039 persona. 164 persona su petishon a keda rechasá. Ku esaki 96 porshento di e petishonnan ta aprobá. Esaki ta loke Eric Brkke, hefe di e departamentu di asuntunan sosial i empleo  (SZW) a menshoná siman pasa durante konferensia di prensa, relashoná ku e krísis di ‘corona virus’. E areglo su intenshon ta pa duna e dunadó di trabou, un kompensashon pa e gastunan, pa evitá ku mester kita hende for di trabou. Brakke a menshoná ku empresarionan independiente i personanan ku a pèrdè trabou, pa motibu di e problema di e vírùs, tambe por haña yudansa pa medio di e areglo menshoná. Pa e areglo gobièrnu hulandes a pone un presupuesto disponibel di mas ku 14 mion dòler. E trabou den e kuadro, ta un peso enorme pa su organisashon, segun Brakke. Pa laga e trabou kana mester hasi eskohonan, pa por a hasi e pagonan rápido. Pa a laga e trabou kana rápido, mester a hasi sierto eskoho, loke a bai a kosto di servisio ku ta duna. Brakke: ”Si nos mester a ehekutá e areglo di emergensia na e forma di traha normal, lo a dura hopi promé ku por a paga e kompensashon.” Esaki indudablemente a bai a kosto di e servisio, pa ta pidi komprenshon. Danki Dios no tabatin hopi desishon negativo, i no a manda e spesifikashonnan mesora huntu ku e pago. No ta posibel kontesta mesora, tur e-mail ku pregunta. E eskohonan ku nos a hasi, mi ta mira komo algu inevitabel. P’esei nos ta konta riba boso komprenshon pa evitá esaki, Brakke a menshoná.   

   

Share This
error: Content is protected !!