KRALENDIJK – Djaweps 7 di mei Dance Sensation Dansschool Bonaire a kuminsá bèk ku nan praktiká di baile. E sekshon di praktiká a tuma lugá na ‘Wilhelmina Plein’, poko diferente for di e forma ku nan ta hasié normalmente. Radio Live 99.9 FM a papia ku Angele Cecilia i Soekarsi Phelipa. Nan a menshoná ku esaki tabata un re-apertura di e ‘Dansschool’ su praktiká di baliamentu, i a hasi esaki den un forma diferente pafó di e skol. “Djarason a kuminsá ku e muchanan mas chikitu i despues esnan poko mas na edat. E idea ta pa de bes enkuando por praktiká òf presentá den parke Wilhelmina. 4 pa 5 lès di baile tin tur dia repartí den grupo di edat i tópiko.

Durante e temporada tras di lomba ku no tabatin lès di baile na e skol, e muchanan a praktiká pa medio di konferensiá di video na kas. El a yuda pasobra nan a praktiká na kas i awe simplemente a repasá loke a praktiká. Muchanan ku ta interesá por pasa na e skol di baile na kaya Italia 9 òf por bèl na number di telefon 717-1529. Tin posibilidat pa diferente baile, loke nan por haña un demostrashon kòrtiku i inskribí esun ku ta deseá pa praktiká. Entre otro tin lès di baile klásiko, Hip Hop, Afro i mas. A menshoná ku pa otro aña tin 2 mucha ku ta preparando pa bai Hulanda. E aña aki nan mester a bai Hulanda pa sera konosí ku e skol di baile aya, loke mester a kanselá debí na e pandemia di vírùs di ‘corona’. Esaki no a perhudiká nan, debí ku tin tempu sufisiente pa prepará pa 2021, nan a menshoná.

Share This
error: Content is protected !!