KRALENDIJK – 345 kompania ya a haña yudansa di areglo di EZK pa Hulanda Karibense. Ta trata di Ehekushon di kompensashon di ministerio di asuntunan ekonómiko i klima (EZK) pa islanan BES. A risibí un kantidat di 495 petishon. A rechasá 46 di e petishonnan.106 petishon ta den proseso. Esaki ta e sifranan ku a keda menshoná resientemente durante konferensia di prensa. Brakke a splika ku banda di esaki ta bin ku un areglo pa kompanianan ku tin gastu fiho hopi grandi. A pone 10 mion dòler pa ehekutá e areglo ku ya por apliká pe. Pa Hulanda karibense turismo ta forma un parti grandi di ekonomia. A pone disponibel 4400 dòler pa un periodo di 3 luna pa kubri gastu figo di esnan den e sektor, Brake a menshoná.

Brakke a sigui bisa: ”ta studiando un posibilidat si por bin ku un solushon, por ehèmpel un di 2 opshon ku un suma di límite mas abou, pues un kompensashon mas abou. No por primintí si esaki ta bira posibel, e ta den proseso di deliberashon,” Brakke a bisa.

Share This
error: Content is protected !!