KRALENDIJK – Christopher Frans kende ta presidente di ‘Taskforce’, a menshoná resientemente durante un konferensia di prensa ku kantidat di hende a regresá Boneiru. Ta trata di hende ku a bini for di diferente lugá, entre otro Colombia, Merka, i Aruba. Frans: ”Preparashon ta kanando pa por trese hende ku ta na Repúblika Dominikana pa regresá Boneiru. E plan ta pa laga tur djamars hende regresá for di Hulanda pa Boneiru via Kòrsou. A tuna e desishon, ku for di 8 di mei, pa esnan ku regresá Boneiru for di Aruba i Kòrsou, por pasa e proseso di karentena na kas. Esaki ta mara na diferente regla. Gastu di regreso ta responsabilidat di kada persona. Hopi hende ta tuma kontakto ku nos, pa nan tende e fecha ku ta posibel regresá Boneiru. Ta bai informá tur e hendenan e dia ku ta posibel ku tin buelo pa nan regresá.  Ta bon pa tene kuenta ku momentu ku nos informá un fecha pa regreso e por kambia, debí ku mester tene kuenta ku e kompania di biahe. Dentro di poko Kòrsou ta bai trese un grupo di persona bèk, i Boneiru ta bai hasi esfuerso, atendé pa trese esnan di Boneiru tambe riba e buelo di Kòrsou, “ Frans presidente di ‘Taskforce’ a bisa.

Share This
error: Content is protected !!