KRALENDIJK – Gezaghèber di Boneiru Edison Rijna a menshoná ku a prolongá e fecha pa habri frontera i espasio aéreo pa islanan BES. Gezaghèber Rijna: ”Espasio aéreo ta keda será 4 siman mas pa Boneiru, Sint Eustatius i Saba. Pues esaki ta e kaso na islanan BES, kaminda aeropuerto ta será pa 4 siman awor pa dilanti. Pues te ku 15 yüni 2020, 6’or di atardi. Pa loke ta trata buelonan interinsular, ta den kombersashon ku e islanan besiña, pa yega na un akuerdo pa por kuminsá habri frontera i espasio aéreo entre islanan besiña. Momentu ku yega na palabrashon, hende por kuminsá move di un isla pa otro, sea ku avion òf boto. Islanan besiña ta Aruba, Boneiru i Kòrsou,” gezaghèber Rijna a menshoná.  

Share This
error: Content is protected !!