KRALENDIJK – E edifisio i kurá di e anterior Julius Place mihó konosí komo skina kayente, un snèk éksitoso den pasado den Playa, awor ta un mahos bista. Tin basta tempu kaba ku e establesementu aki no ta operá mas. E ta bandoná i a bira un mahos bista den wowo di hendenan ku ta move den sentro di suidat.

Kiko a pasa ku e establesementu aki a sera, no ta konosí. Pero e ta será awor i bandoná. Pa kolmo un mahos bista den sentro di Kralendijk. Tin indikashon ku e doño anterior a bende e establesementu i tin un plan pa e sitio. Pero esnan ku a kumpré no a hasi nada ku e edifisio i a lage bira di e forma ku e ta aktualmente. Mester hasi algu na e situashon penoso aki promé ku kuminsá risibí barku di turista bèk na Boneiru i ku tin miles di turista den nos sentro di suidat.

Share This
error: Content is protected !!