KRALENDIJK – Direktor general di SGB Frans Van Efferink a reakshoná riba loke na kuminsamentu di siman a keda publiká riba ‘Facebook’ page di Radio Live 99.9 FM. Ta trata di e ‘wc’ nan ku tabata shushi na e skol. Frans: ”Tokante e ‘wc’ nan ku tabatin entre otro blachi di palu i paña shushi, nos a papia ku e kompania ku ta atendé ku limpiesa di e skol di e situashon. A pone èkstra atenshon pa e ‘wc’ nan i tur kos ta na òrdu. Nos a tuma nota di e situashon na kompleho deportivo ‘Jorge Nicolaas’, kaminda un mayor a saka potrèt di e lugá i sigur e no tabata e forma korekto pa loke ta trata limpiesa. Esei no ta nos responsabilidat. SGB solamente ta hasi uso di e edifisio. Nos mester hasi huntu pa e sitionan ta na òrdu. Ta bon pa duna poko espasio, debí ku ta e promé dia di skol i mientrastantu tur kos ta kana na òrdu,” direktor di SGB van Efferink a menshoná.  

Share This
error: Content is protected !!