KRALENDIJK – Gezaghèber Edison Rijna a splika durante un konferensia di prensa di EBT tokante algun persona kende ta bin Boneiru i no mester bai den karentena. Sí, nan mester tene nan mes na sierto regla estrikto miéntras nan ta riba e isla di Boneiru. Gezaghèber Rijna: ”Tin eksepshon pa sierto funshon vital ku ta bin Boneiru pa hasi algun trabou pa un temporada kòrtiku i regresá nan destinashon. Ta trata di trabou nan manera entre otro pa (war radaren) ku tin na Boneiru, e hendenan ta bin pa ‘Marina Real’ i ta sali manera nan tèrminá ku e trabou. Aparte di esaki tin hendenan vital ku a pidi pèrmit pa nan por bin Boneiru i hasi e trabou nesesario. Ta esnan ku ta bin pa loke ta trata entrega di kombustibel, preparando e sitio nobo pa entrega kombustibel na Boneiru. Tin algun persona ku a haña pèrmit pa bin Boneiru i hasi e trabou. Esaki ta mará na kondishon estrikto ku nan mester tene nan mes n’e, e temporada ku nan ta na Boneiru pa hasi e trabou,” gezaghèber Rijna a bisa.

Share This
error: Content is protected !!