KRALENDIJK – E barku militar ‘MS. Zeeland’ ta di bishita na Boneiru for di djasabra 16 di mei.

Gezaghèber Edison Rijna a bisa: “Mi a haña petishon di Defensa pa e barku militar ‘MS. Zeeland’ bishitá Boneiru for di 16 di mei pa 19 di mei. Ta trata di un tripulashon di 70 persona ku ya a pasa hopi tempu riba laman, pues karentena no ta nesesario. Nan petishon ta pa nan ta na Boneiru pa 3 dia liber i a honra e petishon. A pone kondishonnan estrikto sí ku e tripulashon mester kumpli kuné pa nan por baha for di e barku i ta riba Boneiru. Por ehèmpel nan no mag bai mas ku 10 hende huntu na un sitio. I asina tin vários regla mas ku nan mester kumpli kuné. E petishon di defensa akí ta pas den e maneho di Tim di Maneho Insular, Eilandelijk Beleids Team (EBT). E tim a konsehá pa suavisá e medidanan di emergensia tiki tiki,” gezaghèber Rijna a menshoná.

Share This
error: Content is protected !!