KRALENDIJK – Durante un enkuentro ku prensa direktor di Selibon N.V. Rudsel Leito a papia tokante e akuerdo entre Selibon i Direktorado di Komunidat i kuido. Leito: ”Ta trata di un akuerdo hopi importante pa komunidat. 8 persona tin e oportunidat pa traha na Selibon N.V.. Nan por kuminsa traha i por drenta servisio fiho despues di un temporada na Selibon. Tin un proyekto andando ku e meta pa dera ménos sushi posibel na ‘Landfill’. Den e kuadro aki ta ampliando e aktividatnan di trabou, loke ta duna oportunidat pa esnan ku posibilidat limitá, pa haña un trabou. Den e situashon relashoná ku pandemia di ‘corona virus’, limpiesa den bario ta loke ta bai haña mas atenshon. Gobièrnu i Selibon ta trahando un plan di proyekto di limpiesa den tur bario. E 8 hendenan tin e tarea di limpia áreanan alehá, kap rama i traha ku diferente mashin. Nan ta haña un kurso spesial pa por bira mihó pa por hasi e trabou. Selibon N.V. ta kontentu ku e proyekto i ku direktorado di komunidat i kuido. Danki na gobièrnu pa nos por realisá e proyekto,” direktor di Selibon leito a bisa. 

Despues a papia diputado Nina den Heyer. ”Nos ta kontentu ku Selibon a tuma e desishon pa hasi esaki posibel. 8 hende ta bai haña un oportunidat pa trabou. Hopi bon pa duna e hendenan e chèns pa nan haña un trabou. Mi ta spera otro kompanianan sigui e bon ehèmpel di Selibon N.V, ”diputado den Heyer a bisa.

Rugymia Tweed (Coördinator Arbeidsmarkt Projecten) a bisa ku e proyekto ‘Ban Traha’ ta un chèns pa tur hende haña e oportunidat pa  un trabou pa duna di nan parti. Esaki ta referí na e hendenan ku tin un defisiensia. E promé ta e oportunidat pa traha ta na Selibon N.V. . Ta bai krea un aktividat pa hende por siña hasi diferente trabou. E promé ta bai ta e parti di logístika. Ta bai tin oportunidat pa siña pa ‘magazijn medewerker A’, i siña kore ‘forklift’.

Doñonan di trabou ku via ‘Ban Traha’ ke ofresé personanan ku ta buska trabou un oportunidat pa traha, pero tambe personanan ku ta buska trabou i ku ta interesá den e proyekto aki, por manda un e-mail pa bantraha@bonairegov.com òf yama na 777-2246.

Share This
error: Content is protected !!