KRALENDIJK – Aktualmente no por renobá un reibeweis den un tempu rápido. Por komprondé pa renobá reibeweis debí na e problema di ‘Covid-19, ofisina di registro sivil a kambia nan servisio pa kliente. Debí na e kambio ta tuma algun siman promé ku un persona por kambia nan reibeweis ku a kaduká. Momentu ku bai pa traha un sita pa renobashon di e reibeweis, nan ta informá e persona ku no ta problema pa kore ku e reibeweis kaduká. Polis ta na altura i lo no duna but pa esaki. Radio Live 99.9 FM a tuma kontakto ku kuerpo polisial, i despues ku polis a atendé un ke otro nan a menshoná ku aktualmente nan ta tene konsiderashon ku e situashon. Ta tene konsiderashon pa esnan ku reibeweis a kaduká i nan ta den e proseso pa renob’é. Mester ta bon kla ku ta trata di un proseso ku a tuma lugá durante e periodo di e krísis di “corona virus”. Si e reibeweis a kaduká promé ku e periodo di krísis, esei no ta válido pa tene konsiderashon. Momentu ku polis bai kontrolá un shofur e mester por splika endetaye ku e ta den proseso pendiente pa haña reibeweis nobo. Si e ta den posishon di reibeweis kaduká sin ta den proseso pa renobá, no tin eksepshon. E proseso di but ta kontinuá normal.  

Loke no tin masha informashon di dje ta, si un aksidente tuma lugá si seguro ta kubri e gastu apesar ku e persona su reibeweis ta kaduká den e periodo aki. Pues e mihó desishon ta, kuminsá e proseso pa kambia reibeweis ku ta bai kaduká na tempu, pa evitá problema.

Share This
error: Content is protected !!