KRALENDIJK – Resientemente a krea hopi reakshon riba e asuntu ku direktor di FCB, kende ta gana mas sèn ku un diputado i gezaghèber pa luna loke no ta kuadra. Ta trata di Ben Oleana kende ta direktor di Fundashon Cas Boneriano (FCB), Fundashon pa Kredito Boneriano i awor direktor interino di “Bonaire Holding Maatschappij”. Ta papia di un montante di mas ku 20 mil doler pa luna. Siman pasa durante reunion di konseho insular a atendé ku e asuntu di “Bonaire Holding Maatschappij”. E asuntu di pago nan haltu a keda menshoná. Diputado Elvis Tjin Asjoe a remarká ku na 2014 e kompania di “konsultent Deloitte” a formulá un rapòrt ku un liña pa kompensashon di miembronan di hunta di komisario di direktoradonan. Mirando e reakshonnan di e kompanianan di gobièrnu, e rekomendashon den e rapòrt di investigashon di “crmLiNK”, i e periodo di tempu di e investigashon anterior, ta hasi un “benchmark” nobo pa loke ta trata kompensashon. Ku esaki ta wak kompensashon na Boneiru i den e region i Hulanda. A pidi tur kompania di gobièrnu pa entrega nan informashon teniendo kuenta ku e diskreshon nesesario, diputado Tjin Asjoe a menshoná .

Share This
error: Content is protected !!