KRALENDIJK – E torneo anual di futbòl hubenil Kopa Lito 2020 ku tabata programá pa kuminsá djárason awó, a keda kanselá relashoná ku e situashon di Covid-19.

No a honra e petishon pa organisá e torneo anual aki pa nos futuronan, un torneo ku tur aña di nobo a bin ta krese na partisipashon.

E torneo e aña aki tabata programá pa tuma lugá den stadion di Playa.

Mayoria dje muchanan i timnan tabata kla pa e torneo ya ku e muchanan ke hunga bala.

Pero manera ya menshoná, debí na e situashon di Covid-19, e torneo a keda kanselá.

Nos ta kere ku entrenadónan di e ekiponan, si ta pèrmití esaki, lo por organisá weganan di treinen entre e ekiponan di manera ku e muchanan ta trein i keda den kondishon i no ta fèrfelá nan mes tampoko sin por hunga bala ku ta nan deporte preferí. Muchanan ta ku hopi gana di trein i move.

Mucha tin hopi energia i pa nan si tur dia mes tin treinen ta bon.

Share This
error: Content is protected !!