Den Haag – Entrante promé di yüli 2020 ta renombrá prof. dr. Raymond Gradus pa un periodo di tres aña Presidente di Kolegio di supervishon finansiero Kòrsou i Sint Maarten, Kolegio di supervishon finansiero Bonaire, Sint Eustatius i Saba i Kolegio di supervishon finansiero di Aruba.

Prof. dr. Gradus ta Presidente di e tres Kolegionan for di promé di yüli 2017. A trata su renombramentu den Konseho di Minister di Reino di 15 di mei. Ta efektuá e renombramentu pa medio di un Dekreto Real.

Prof. dr. Raymond Gradus ta profèsòr di gobernashon i ekonomia di e sektor públiko i sin fin di lukro na Vrije Universiteit Amsterdam. Tambe e ta afiliá na e grupo profeshonal di accounting i Sentro Zijlstra pa Kòntròl Públiko, Liderato i Gobernashon. Ademas, e tin vários publikashon sientífiko riba su nòmber tokante entre otro siguridat sosial, gobièrnu konhunto, maneho di medio ambiente i mekanismo di merkado.

Share This
error: Content is protected !!