KRALENDIJK – E astro di futbòl boneriano ku ta Ayrton Cicilia, a firma ku “Prestige Sport” pa 2 aña, esaki rumbo pa su karera profeshonal den futbòl.

Prestige Sport ta un“zaakwaarnemersbedrijf” ku ta regla asuntu di “team” nan profeshonal pa hungadó nan na Inglatera, Alemania, Portugal,Merka, Spaña ihopi mas.

Nan tin hungadó nan ku ta hungando pa FC Barcelona di Spaña, Philadelphia Union na Merka, SC Braga di Portugal, tambe unu na Inglatera ku ta hunga pa “Huddersfield Town.

Asina tin hopi mas ku ta hunga afó i ku ta hungando profeshonal. Aworakí nan ta bezig tratando pa laga Ayrton bai Inglatera òf Portugal den un di e liganan mas haltu.

Di parti di ATIP (Anything is Possible Soccer Academy) di akuerdo ku sr. Jermaine Windster, a tuma kontakto ku nan pa un reunion.

Jermaine Windster a bai ku Ayrton na nan ofisina pa papia mas ku 3 ora promé ku nan a firma e siman despues.

Prestige Sport ta mira Ayrton komo un hungadó ku por yega leu den futbòl profeshonal.

Momentu ku e krisis di “corona virus” pasa òf baha poko, nan plan ta pa Ayrton pasa dirèkt pa un di e timnan profeshonal.

Ayrton a demostrá su talentonan na Hulanda asina bon ku nan ke bai un stap mas leu kuné, no Hulanda so pero nan ke bai “BIG LEAUGE” aworakí, pafó di Hulanda pues.

ATIP tambe a bira e partner ofisial di “Prestige Sport” na islanan ABC.

ATIP awokí por skout muchanan ku tin e talento pa nan tambe sigui den Ayrton su kaminda, hungando bala den un di e liga nan grandi den Europa.

Ayrton aworaki ta bezig ta trein na Hulanda te na momentu ku futbòl sigui na e otro paisnan pa e por bai sigui su soño.

Share This
error: Content is protected !!