ORANJESTAD – Dialuna atardi Minister Xiomara Maduro a firma e acuerdo di prestamo (leenovereenkomst) pa e di 2 tranche di sosten di likidez pa un suma di 63,9 miyon florin. E fondonan aki ta destina pa por cubri gastonan di gobernacion di nos Pais y pa por brinda e yudansa necesario. Manera Gobierno a informa diabierna den conferencia di prensa, Conseho di Minister di Reino a bay di acuerdo pa asina Aruba por haya e yudansa di sosten di likidez cu ta conta pa e periodo di 15 di mei te cu 30 di juni 2020. E sosten di likidez ta wordo duna den forma di un ‘zachte lening’ na 0% di interes y mester wordo paga aki 2 aña. Esaki ta e di tres fianza cu Gobierno ta ricibi di Reino Hulandes pa asina por surpasa e crisis di COVID-19. Pueblo por tin e confiansa cu Gabinete Wever-Croes ta traha na un manera serio y transparente pa asina Aruba por surpasa e crisis di mas grandi cu nos Pais a yega di conoce.

Share This
error: Content is protected !!