KRALENDIJK – Minister Arie Slob a informá ku a pone 66.000 mil dòler disponibel pa media, debí na e problema di ‘coronavirus’ riba islanan ‘BES’, esta Bonaire, Sint Eustasius i Saba. E minister a menshoná ku otro islanan den Karibe, referiendo na Aruba, Kòrsou i Sint Maarten, no por papia pa un yudansa pa nan, tabata kontesta di Tweede Kamer, riba un pregunta hasi na nan. Minister Slob a sigui bisa: ”E fondo pa sostené media di Hulanda Europeo ta sali for di Svdj. Nan solamente por sostené islanan ‘BES’, esta Bonaire, Sint Eustatius i Saba i no e otro islanan. Ta trata di un suma di 66.000 mil dòler. E montante ta pa yuda e organisashonnan di prensa riba islanan ‘BES’, pa nan sigui ku e trabou pa informá komunidat.

RCN ta e instansia ku ta perkurá pa kada organisashon risibí un montante for di e 66.000 mil doler.

Aruba, Kòrsou i Sint Maarten tin ku pèrkurá pa nan mes responsabilidat pa supsidiá e sekshon di prensa. E parti di korant ku tin relashon ku Kòrsou lo haña un kompensashon serka RCN pa sostené nan organisashon,” minister Slob a menshoná.    

El a sigui bisa: ”Miembronan di prensa pa e parti di Karibe Hulandes tin un tarea importante, no solamente pa informá tokante e último desaroyonan rondó di e pandemia di ‘coronavirus’. Nan ta pèrkurá pa informá relashoná ku e forma ku gobièrnu ta goberná e islanan. Pa e motibu aki mi a tuma e desishon pa pone 66.000 mil dòler disponibel pa mantené e kontinuidat di notisia riba e islanan. RCN ta atendé e parti di repartishon di e sèn na e organisashonnan di prensa riba e islanan ‘BES’. E departamentu di OCW-di e área di Karibe den RCN, ta atendiendo ku un plan pa fortalesa e miembronan di prensa di e sektor riba e tres islanan di Hulanda karibense. Ya a hasi e promé kòmbersashonnan,” minister Slob a menshoná.   

Share This
error: Content is protected !!