KAMPIONATO 2019-2020 DI FUTBOL DEKLARÁ NULO

Written by on

KRALENDIJK – FFB ku ta e federashon di futbòl di nos isla ku ta bou di presidensia di sr. Ludwig “Luti” Balentin, a deklará kampionato di futbòl 2019-2020 nulo.

Tabata djabièrnè último durante un reunion pa timnan afiliá na e federashon di futbòl, ku a partisipá na e timnan di e desishon tumá pa deklará e kampionato nulo.

Esaki debí na e krisis di Corona virùs, loke a pone ku no por tabata tin partido i a tuma demasiado tempu kaba no aktivo.

Den un ordenansa di emergensia, gezaghèber pa motibu di Covid 19 a prohibí uso di vèltnan di bala i institutonan deportivo.

FFB a spera ku lo a kanselá e medidanan aki den luna di mei, di manera ku lo por a hunga e parti final di e kampionato. Esaki a bira praktikamente imposibel ora ku ainda e restrikshonnan ta na vigor.

Balentin: “Nos no a tende nada mas di gezaghèber. No tin fecha konkreto i nos no sa ki dia lo por sigui, pa asina timnan por kuminsa prepará. Tabata e intenshon pa hunga playoff na luna di yüni i pa kampionato kaba 3 di jüli próksimo. Pero debi ku ainda nos no a tende nada, nos no por keda stèns i a disidi pa para e kampionato i kuminsa prepará mesora pa si tur kos normalisa, ranka sali ku kampionato 2020/2021 na fin di luna di ougùstùs.” Balentin a splika. “Timnan a kompronde ku no ta ke nos no ke, pero ta por no por. No por otro. A pidi gezaghèber asta pa hunga weganan hubenil pero esaki tampoko no por. Pues pa weganan senior pihó!

Ku esaki pues e temporada 2019-2020 ta keda konsiderá komo un temporada ku no tabatin kampionato. Tur karchi i kastigu ta kanselá pero transfèrnan si ta keda na vigor.

E temporada ku falta i e planifikashon pa e kampionato 2020/2021 no ta duna hopi espasio pa kaba e kampionato aktual.

FFB ta lamentá esaki inmensamente pero ta pa motibunan balido ku ta pa bienestar di nos tur.

Den yüni lo bai yama un reunion ku ekiponanan asina por kumisá ku preparashon pa e kampionato 2020/2021.

Buki 60 aña FFB.

E reunion djabièrne último tabatin solamente dos punto di agenda, di kua e otro punto tabata selebrashon 60 aña di FFB.

Por a komprondé ku pa e selebrashon di e 60 aña di e federashon, lo bini ku un “buki” ku historia i foto di e 60 añanan di e federashon (FFB).

Boi Antoin i su tim ta trahando duru riba esaki i probablemente aki 2 pa 3 luna e buki aki lo ta kla i lo ta riba merkado.

Share This

Current track

Title

Artist

error: Content is protected !!