KRALENDIJK – E hóben tènista Luis Marcano di Boneiru, siman pasá a marka historia pa su mes i Boneiru, esaki na universidat di Delaware, ganando e prestigioso premio “Arthur Ashe Leadership & Sportmanship Award”.

E “award” aki ta unu ku ta otorgá na studiantenan tènista ku logra bon resultadonan den deportivismo i liderasko, bon resultado den nan estudio na skol, tambe nan prestashon den e deporte di tènis ku tambe ta konta den esaki.

Luis Marcano e aña aki lo finalisá su estudio na Universidat di Delaware na Newark Merka den teknologia di kompiuter.

Luis Marcano e último temporada a gana 30 wega den “single” i 21 den dòbel.

Su coach Pablo Montana ta hopi orguyoso di su prestashon.

Share This
error: Content is protected !!